TamilSpy

பொழுது போக்கு இணையம்…

சிறீலங்காவுக்கான இராணுவ உதவிகளை நிறுத்த அமெரிக்கா தீர்மானம்

Americanசிறீலங்காவுக்கு வழங்கிவரும் இராணுவ உதவிகளை நிறுத்துவதற்கு அமெரிக்கா தீர்மானித்துள்ளதாகச் செய்திகள் வெளியாகியுள்ளன.

தமிழ் மக்களின் உரிமைகள் பாதுகாக்கப்படுவது மற்றும் மனித உரிமைகள் மேம்படுவது தொடர்பில் சிறிலங்கா அரசு காத்திரமான நடவடிக்கையை எடுக்கும் வரையிலும் சிறிலங்காவுக்கான படைத்துறை உதவிகளை நிறுத்துவதற்கு அமெரிக்கா திட்டமிட்டு வருவதாக தெரிவிக்கப்படுகின்றது.

இது தொடர்பில் மேலும் தெரியவருவதாவது: அமெரிக்க வெளிவிவகார திணைக்களத்தின் நிர்வாக சரத்துக்களின் (S 1434) அடிப்படையில் சிறிலங்கா அரசு பல நிபந்தனைகளை ஏற்றுக்கொள்ளும் வரையிலும் படைத்துறை ஆயுதங்களோ, தொழில்நுட்ப உதவிகளோ, ஆயுதங்களை பெறுவதற்கான அனுமதிகளோ வழங்கப்படுவது தடைசெய்யப்படவுள்ளது.

7091 ஆவது பிரிவின் அடிப்படையில் சிறிலங்கா அரசு இந்த இடைநிறுத்தங்களை எதிர்கொள்ளவுள்ளது. போரின்போது அனைத்துலக மனிதாபிமான விதிகளை மீறிய படை அதிகாரிகளை நீதிமன்றத்தில் நிறுத்த வேண்டும், ஐக்கிய நாடுகள் சபையின் மனித உரிமைகளுக்கான ஆணையாளர் அலுவலகம் ஒன்று சிறிலங்காவில் அமைக்கப்பட வேண்டும் என்ற நிபந்தனைகள் முன்வைக்கப்பட்டுள்ளன.

மனித உரிமை ஆணைக்குழுவினர் சிறிலங்கா முழுவதும் தமது கண்காணிப்புக்களை மேற்கொண்டு அறிக்கையை சமர்ப்பிப்பார்கள் எனவும் தெரிவிக்கப்படுகின்றது.

Related Posts Plugin for WordPress, Blogger...

Your email address will not be published. Required fields are marked *

*